काठमाण्डौ । नेपालको विदेशी मुद्रा सञ्चिति पछिल्ला एघार महिनादेखि लगातार बढिरहेको छ। यस वृद्धिको प्रमुख कारणहरू रेमिट्यान्समा निरन्तर वृद्धि, पर्यटन क्षेत्रमा केही सुधार, र आयातमा कमी हुनु हुन्। 

वैशाखमा विदेशी मुद्रा सञ्चिति १९ खर्ब ४२ अर्ब ४० करोड रुपैयाँ पुगेर हालसम्मकै उच्च बिन्दुमा पुगेको छ। यो नेपालको कुल गार्हस्थ्य उत्पादन (जीडीपी) को ३४ प्रतिशत बराबर हो।

चालू आर्थिक वर्षको पहिलो दश महिनामा मात्रै ११ खर्ब ९८ अर्ब ६० करोड रुपैयाँ रेमिट्यान्स भित्रिएको छ। यो गत वर्षको तुलनामा १९।२ प्रतिशतले बढी हो। विदेशमा काम गर्ने नेपालीहरूलाई प्रोत्साहन गर्ने सरकारको नीतिले गर्दा रेमिट्यान्स बढेको हो। रेमिट्यान्सको वृद्धिसँगै शोधनान्तर बचत र चालु खाता पनि बचतमा छन्। यसैले ब्याजदर घटिरहेको छ।

तर, नेपालको आन्तरिक अर्थतन्त्रको अवस्था भने उस्तै छैन। सरकारले पुँजीगत खर्चको लक्ष्य पूरा गर्न सकेको छैन र राजस्व संकलन पनि कमजोर छ। फलस्वरूप, बाह्य क्षेत्र बलियो भए पनि आन्तरिक अर्थतन्त्रमा खासै सुधार देखिएको छैन। यो असन्तुलनलाई कम गर्न नेपालले आन्तरिक उत्पादन र रोजगारी सिर्जनामा जोड दिनुपर्छ। आजको कान्तिपुरको सहयोगमा