बागलुङको जैमिनी नगरपालिका–८ छिस्तीबाट बागलुङ बजारतर्फ जाँदै गरेको पीकअप भ्यान दुर्घटनामा पाँच जनाको ज्यान गएको छ। जैमिनी नगरपालिका वडा नं. ७ जैदी र छिस्तीको सिमानास्थित व्यार्थला नजिकै भएको यो दुर्घटनामा सबै यात्रुहरूको मृत्यु भएको हो।

दुर्घटनामा मृत्यु भएका व्यक्तिहरूमा गाडी चालक महेन्द्र पुन (३८ वर्ष), रश्मी श्रीष (२० वर्ष), नन्दकली पुन (५० वर्ष), निरज श्रीष (१७ वर्ष), र कुल प्रसाद श्रीष (७५ वर्ष) रहेका छन्। प्रहरी निरीक्षक केशव थापाका अनुसार ग२च ९२४७ नम्बरको उक्त पीकअप भ्यान सडकबाट करिब पाँच सय मिटर तल खसेको थियो।

यस दुर्घटनामा घाइते भएका गंगा बहादुर श्रीष (४५ वर्ष) को शरीरका विभिन्न भागमा चोट लागेको छ, र उनलाई उपचारका लागि धौलागिरी अस्पतालमा लैजाने तयारी भइरहेको छ।