काठमाण्डौ । शेयर बजारमा बुधबार फेरी सुधार आएको छ । आज नेप्से परिसूचक दोहोरो अंकले बढेको छ । 

साताको चौंथो कारोबार दिन बजार ११।३२ अंकले वृद्धि भएको छ भने बजार परिसुचक १८६६।४८ अंकको बिन्दुमा पुगेर बन्द भएको छ । उक्त दिन ब्यापार समूह १३।८८ अंक र म्युचुअल फण्ड ०।२४ अंकले घटेको छ। यी बाहेकका सबै समूहहरु हरियाली बनेका छन् ।

उक्त दिन कारोबार रकममा पनि बढोत्तरी देखिएको छ । अघिल्लो दिन ५५ करोड बढीको कारोबार भएको थियो । तर, आज कारोबार रकम वृद्धि भई ६९ करोड १७ लाख ३७ हजार रुपैयाँ पुगेको छ ।

उक्त दिन नबिल बैंकको सबैभन्दा बढी सेयर कारोबार भएको छ । आज बैंकको २ करोड ४० लाख ११ हजार रुपैयाँ बराबरको सेयर कारोबार भएको हो ।

कारोबार रकमको आधारमा दोस्रो स्थानमा रहेको रिदी पावरको पनि २ करोड २ लाख ६३ हजार रुपैयाँ बराबरको सेयर खरिदबिक्री भएको छ ।