काठमाडौं– आइएमई जनरल इन्स्योरेन्स कम्पनीले करिब सवा ४६ करोड रुपैयाँको शेयर जारी गर्ने भएको छ । आइएमई इन्स्योरेन्सले ४० प्रतिशत हकप्रद शेयर निष्काशन गर्नका लागि ग्लोबल आइएमई क्यापिटललाई धितोपत्र निष्काशन तथा बिक्री प्रबन्धक नियुक्त गरेको छ ।

बैशाख १२ गते सम्पन्न आर्थिक वर्ष २०७६÷७७ अर्थात् २३ औ वार्षिक साधारणसभाबाट ७ प्रतिशत बोनस शेयर पारित पश्चात कम्पनीको चुक्ता पूँजी एक अर्ब १५ करोड ७५ लाख रुपैयाँ पुगेको छ । यहि पूँजीको ४० प्रतिशत अर्थात ४६ करोड ३० लाख रुपैयाँको हकप्रद शेयर जारी गर्ने छ । हकप्रद शेयर निष्काशन पछि कम्पनीको चुक्ता पूँजी एक अर्ब ६२ करोड रुपैयाँ पुग्नेछ ।

हकप्रद शेयर निष्काशन सम्बन्धी सम्झौतामा आइएमई जनरल इन्स्योरेन्स कम्पनी लिमिटेडका तर्फबाट प्रमुख कार्यकारी अधिकृत युगेश भक्त बादे श्रेष्ठ तथा निष्काशन तथा बिक्री प्रबन्धकका तर्फबाट प्रमुख कार्यकारी अधिकृत पारस मणि ढकालले हस्ताक्षर गरेका छन् ।