काठमाडौं–नेपालमा निजी क्षेत्रले सञ्चालन गरेका उद्योग धितोपत्र बोर्डमा सुचिकृत भएर आम सर्वसाधारणलाई शेयर दिने परम्परा सुरु भएको छ ।
निजी लगानीका कम्पनीलाई पब्लिक कम्पनी बनाएर प्राथमिक शेयर (आईपीओ) जारी गर्ने प्रक्रिया अघि बढाएका छन् ।

निजी लगानीको शिवम् सिमेन्ट अहिले नेप्सेमा शेयर किनबेच भैरहेको छ । पछिल्लो पटक सर्वोत्तम सिमेन्टले पब्लिकलाई शेयर दिने तयारी अघि बढाएको छ ।

सर्वोत्तम सिमेन्टले बुक विल्डिङ विधिबाट आइपीओ जारी गर्न साधारणसभा बोलाएको छ । माघ ६ गते आयोजना गरिएको दोस्रो साधारण सभामा बुक विल्डिङ विधिबाट आईपीओ निष्काशन गर्ने प्रस्ताव पारित गर्ने तयारीमा छ ।
आर्थिक वषर्च २०७६÷०७७ को वासलात, नाफा नोक्सान हिसाब र नगद प्रवाह विवरणमा साधारण सभामा छलफल गरी पारित गरिने छ ।