काठमाडौं - दर्जनौ कलाकारहरूको सांगीतिक जीवन सफल बनाउन महत्वपूर्ण भूमिका खेलेका लोकप्रिय सर्जक तथा गायक शिव हमालको १० वर्षपछि नयाँ सेन्टिमेन्टल गित खोलीको दोभानो भर्खर मात्र सार्वजनिक भएको छ ।
पछिल्लो केही समय बिरहका गितबाट मनोरञ्जनात्मक गीततर्फ आफ्नो कलम चलाउनुभएको हमालले नयाँ गीत सार्वजनिक भएसँगै चुनौती र अपेक्षाको रुपमा लिएको बताउनुभयो ।
बिरहको गितमा प्राय माया प्रेमलाई विषय बनाउने हमालले यो पटक पनि दुई मायालुको जोडीलाई गीतको कथा वस्तु बनाएका छन् । गीतमा बिक्रम परियार र सुनिता अधिकारीले सुमधुर आवाज दिएका छन् । गीतको लय तथा शब्द सिर्जना हमाल आफैंले बनाएका छन् भने भिडियोमा पनि निर्माण युनिटले निकै मेहनत गरेको देख्न सकिन्छ ।
दीप सागर,राजकुमार अधिकारी र आरुसी कार्कीको मनमोहक अभिनय रहेको गीतमा मौसम हिमालीको निर्देशन रहेको छ ।