काठमाडौं। वाणिज्य बैंकहरूले आगामी साउन महिनाका लागि निक्षेपको ब्याजदर घटाएका छन्। २० बैंकहरूमध्ये दुईले व्यक्तिगत मुद्दती निक्षेपको ब्याजदर बढाएका छन् भने १३ ले घटाएका छन्। बाँकी ५ बैंकको ब्याजदर स्थिर रहेको छ। असारमा ६.९१ प्रतिशत रहेको औसत ब्याजदर साउनमा घटेर ६.७३ प्रतिशतमा झरेको छ।

असारको तुलनामा कृषि विकास बैंक र एभरेष्ट बैंकले ब्याजदर बढाएका छन् भने नेपाल एसबीआई, लक्ष्मी सनराइज, नबिल, नेपाल इन्भेस्टमेन्ट मेगा, र स्टान्डर्ड चार्टर्डले स्थिर राखेका छन्। एनएमबी र एनआईसी एसिया बैंकले ७.५३ प्रतिशतको सर्वाधिक ब्याजदर कायम गरेका छन्।

राष्ट्र बैंकले ब्याजदरको अन्तर ५ प्रतिशतभन्दा बढी नहुने र कल निक्षेपमा बचतको न्यूनतम ब्याजदरको ५० प्रतिशत मात्रै ब्याज दिन पाइने व्यवस्था गरेको छ। बैंकहरूले व्यक्तिगत मुद्दती निक्षेपको अधिकतम ब्याजदर घटाएपछि मात्रै बचत र कल निक्षेपको ब्याजदर घटाउन सक्छन्।