२०८२ बैशाख २२, सोमबार
२०८२ बैशाख २२, सोमबार
काठमाडौं - महोत्तरीको गौशाला-१ इँटाटार गाउँमा देशकै सबैभन्दा ठूलो कागज उद्योग सञ्चालनमा आएको छ। आईएमई ग्रुपका अध्यक्ष चन्द्रप्रसाद ढकालले झन्डै दुई अर्ब रुपैयाँको लगानीमा 'नेपाल पल्प एन्ड पेपर इन्डस्ट्रिज प्रालि' नामक उद्योग स्थापना गरेका हुन्। बैंकिङ, पर्यटन, अटोमोबाइल र सूचना प्रविधि क्षेत्रमा संलग्न ढकालले स्वदेशमै कागज उत्पादन गरी आयातमा निर्भरता घटाउने उद्देश्यले उद्योग खोलेको बताएका छन्।
२०७८ मा शिलान्यास भएको उद्योगले केही समयअघि उत्पादन सुरु गरिसकेको छ भने यसको औपचारिक उद्घाटन प्रधानमन्त्री केपी शर्मा ओलीले यसै साता गर्ने तय भएको छ। उद्योगले ५०० जनालाई प्रत्यक्ष रोजगारी दिनेछ। नेपालमा वार्षिक करिब डेढ लाख मेट्रिक टन कागज खपत हुने भए पनि हालसम्म सम्पूर्ण कागज आयात गर्नुपर्ने बाध्यता रहेको छ। विद्यालय तथा कलेजमा प्रयोग हुने कापी, फोटोकपी पेपर, ट्वाइलेट पेपर र टिस्यु पेपरलगायत सामग्री उत्पादन गर्दै उद्योगले कुल मागको ३० प्रतिशतभन्दा बढी कागज स्वदेशमै उत्पादन गर्ने लक्ष्य लिएको छ।
भन्सार विभागका अनुसार नेपालले गत आर्थिक वर्षमा ८ अर्ब १४ करोड रुपैयाँ बराबरको कागज आयात गरेको थियो भने चालु आर्थिक वर्षको पहिलो सात महिनामा ३ अर्ब ६५ करोड रुपैयाँ बराबरको कागज भित्र्याएको छ। हाल उद्योगको दैनिक उत्पादन क्षमता ७५ मेट्रिक टन रहेको छ, जसलाई निकट भविष्यमा बढाएर १५० मेट्रिक टन पुर्याउने योजना छ। उद्योग सञ्चालनका लागि १२ किलोमिटर टाढाको विद्युत् स्टेशनबाट बिजुली ल्याइएको छ।
नवलपुर — गैंडाकोट नगरपालिका–३ स्थित जुक्तिखोलामा पौडी खेल्ने क्रममा डुबेर दुई किशोरको ज्यान गएको छ। जिल्ला प्रहरी कार्यालय नवलपुरका प्रवक्ता प्रहरी नायब...
काठमाडौं — प्रतिनिधिसभामा प्रस्तुत आगामी आर्थिक वर्ष २०८२/८३ को वार्षिक नीति तथा कार्यक्रममा असन्तुष्टि जनाउँदै सांसदहरूले ३७ वटा संशोधन प्रस्ताव दर्ता गरेका छ...
.png)
काठमाडौँ — शेयर बजार मापक नेप्से परिसूचक सोमबार ९.६२ अंकले घटेर २,६१०.७६ विन्दुमा ओर्लिएको छ। अघिल्लो दिनको तुलनामा ०.३६ प्रतिशतको गिरावटसँगै परिसूचक लगातार पाँचौ...
.jpg)
