काठमाण्डौ । नेपाल इन्फ्रास्टक्चर बैंकले शेयरधनीहरुलाई निराश बनाउने लाभांश घोषणा गरेको छ । कम्पनीले आफ्ना शेयर धनिहरुलाई ४ प्रतिशत नगद लाभांश वितरण गर्ने भएको छ।
बैंकको बिहीबार बसेको सञ्चालक समितिको बैठकले शेयरधनीहरुलाई कर सहित चुक्ता पूँजीको ४।२१०५ प्रतिशत नगद लाभांश वितरण गर्ने निर्णय गरेको हो।
हाल बैंकको चुक्ता पूँजी २१ अर्ब ६० करोड रुपैयाँ रहेको छ। यसअनुसार बैंकले ९० करोड ९४ लाख रुपैयाँ बराबरको लाभांश शेयर धनीलाई वितरण गर्ने छ।
प्रस्तावित लाभांश नेपाल राष्ट्र बैंकको स्वीकृति र बैंकको आगामी साधारण सभाले पारित गरेपछि शेयर धनीले पाउनेछन्।