काठमाडौंँ - एटिएम प्रयोग कर्तालाई सचेत बन्न नेपाल राष्ट्र बैंकले अनुरोध गरेको छ ।राष्ट्र बैंकले एटिएम प्रयोग गर्दा ४ वटा बिषयमा ध्यान दिन आग्रह गरेको छ ।राष्ट्र बैंकले एटिएम प्रयोगकर्तालाई आफ्नो पिनकोड गोप्य राख्न भनेको छ । यस्तै अपरिचित मान्छेबाट टाढै बस्ने पनि अनुरोध गरेको छ ।

एटिएम प्रयोग गर्दा खाताबाट पैसा काट्यो तर पैसा आएन भने सम्बन्धित बैंकमा सम्पर्क गर्न भनेको छ । आवश्यक परे बैंकका कर्मचारीहरुसँग सम्पर्क गरी सहयोग लिन समेत केन्द्रीय बैंकले अनुरोध गरेको छ ।राष्ट्र बैंकले अपरिचित वा अन्य जो कोही व्यक्तिलाई एटिएम कार्ड र पिन नम्बर सेयर नगर्न भनेको छ ।