काठमाडौं– बुधबार नेपाल स्टक एक्सचेन्ज (नेप्से) ९.०९ अंकले बढेर २७११.७५ विन्दुमा पुगेको छ। यो वृद्धि ०.३३ प्रतिशत हो। नेप्से बढ्दा पनि कारोबार रकम घटेको छ।

आज १ करोड ५४ लाख ६४ हजार ५५२ कित्ता शेयर किनबेच हुँदा ७ अर्ब ९ करोड २८ लाख ९६ हजार रुपैयाँ बराबरको कारोबार भएको छ।

कारोबारमा १४३ कम्पनीको शेयर मूल्य बढेको, ८९ को घटेको र ११ को स्थिर रहेको छ। ३२३ कम्पनीको कारोबारमा ७४ हजार ३०३ पटक किनबेच भएको छ। यस क्रममा ७ कम्पनीको शेयर मूल्य सकारात्मक सर्किट लागेको छ भने १ कम्पनीको मूल्य नकारात्मक सर्किटमा परेको छ।

१३ समूहमध्ये ८ समूहको सूचक बढेको छ भने ५ समूह घटेको छ।

सबैभन्दा बढी वृद्धि विकास बैंक समूहले ३.३८ प्रतिशतको दरले गर्दै ५७०२.२४ विन्दुमा पुर्‍याएको छ।

फाइनान्स, होटल तथा पर्यटन, हाइड्रो, लगानी, लघुवित्त, म्युचुअल फण्ड, र ट्रेडिङ समूह पनि क्रमशः १.६६, ०.४५, १.२८, ०.२०, ०.०७, ०.३८, र ०.२७ प्रतिशतले बढेका छन्।

वाणिज्य बैंक समूह ०.२६ प्रतिशतले घटेर १५०३.३० विन्दुमा आएको छ। जीवन बीमा, उत्पादन तथा प्रशोधन, निर्जीवन बीमा, र अन्य समूह पनि हल्का गिरावटमा छन्।