काठमाण्डौ - नेपालमा नयाँ लगानीकर्ताको सक्रियता निकै बढिरहेको छ । यसै बीच धेरै कम्पनीहरुले प्राथमिक शेयर समेत धमाधम निष्कासन गरिरहेका छन् ।
अहिले सानीमा लाइफ इन्स्योरेन्स शेयर खुलिरहेका छ भने यही साउन २९ गतेबाट साहस ऊर्जाको आइपीओ आउने भएको छ ।
सो कम्पनीले पहिलो चरण अन्तर्गत आयोजना प्रभावित स्थानीयको लागि शेयर निष्कासन गर्न लागेको हो ।
कम्पनीले प्रतिकित्ता १०० रुपैयाँ अंकित दरमा ३५ लाख कित्ता साधारण सेयर (आईपीओ) निष्कासन तथा बिक्री खुल्ला गर्नेछ । उक्त आईपीओ आयोजना प्रभावित क्षेत्र सोलुखुम्बु जिल्लाका बासिन्दाहरुका लागि हाे ।
आईपीओमा आयोजना प्रभावित क्षेत्रका स्थानीयले न्यूनतम १० कित्तादेखि अधिकतममा १० लाख ५० हजार कित्ताको लागि आवेदन दिन सक्नेछन् । लगानीकर्ताले आईपीओमा छिटोमा भदौ ११ गते र ढिलोमा भदौ २७ गतेसम्म आवेदन दिन सक्नेछन् ।