काठमाडौं । सरकारले राष्ट्रियसभाको अधिवेशन आह्वान गर्न राष्ट्रपति समक्ष सिफारिस गर्ने निर्णय गरेको छ। आज बसेको मन्त्रिपरिषद् बैठकले अधिवेशन बोलाउने विषयमा औपचारिक निर्णय गरेको हो।

सरकारका अनुसार आगामी माघ ४ गतेदेखि राष्ट्रियसभाको अधिवेशन आह्वान गर्ने प्रस्ताव राष्ट्रपति रामचन्द्र पौडेलसमक्ष पेस गर्ने निर्णय बैठकबाट गरिएको छ। संवैधानिक प्रावधानअनुसार सरकारको सिफारिसमा राष्ट्रपतिले संसद् अधिवेशन आह्वान गर्ने व्यवस्था छ।

अधिवेशनमा समसामयिक राजनीतिक विषय, विधेयकहरू तथा राष्ट्रिय महत्वका मुद्दामाथि छलफल हुने अपेक्षा गरिएको छ। सरकार र संसद् सचिवालयले अधिवेशनको तयारीसम्बन्धी आवश्यक प्रक्रिया अघि बढाउने जनाएका छन्।