काठमाडौं । नेपाल स्टक एक्सचेञ्ज (नेप्से) मा सूचीकृत ९१ वटा जलविद्युत कम्पनीमध्ये करिब एक तिहाइ अर्थात् ३१ वटा कम्पनी हकप्रद शेयर निष्कासनको तयारीमा जुटेका छन्। नयाँ जलविद्युत आयोजना निर्माणमा लगानी गर्न र लिएको ऋण भुक्तानी गर्नका लागि यी कम्पनीहरू हकप्रद शेयर निष्कासनमा अगाडि बढेका हुन्।

नेपाल धितोपत्र बोर्ड (सेबोन) मा ११ वटा कम्पनीले अनुमति माग गरिसकेका छन् भने अन्य कम्पनीहरूले वार्षिक साधारण सभाबाट प्रस्ताव पारित गरी प्रक्रिया अगाडि बढाइरहेका छन्। सेबोनले यस आर्थिक वर्षमा चार कम्पनीलाई हकप्रद शेयर निष्कासनको अनुमति दिइसकेको छ भने गत आर्थिक वर्षमा ६ कम्पनीले यस्तो अनुमति पाएका थिए।

लगानीकर्ताहरू पनि हकप्रद शेयरमार्फत दीर्घकालीन ऋण चुक्ता भइसकेपछि लाभांश पाउने आशामा यस्ता कम्पनीहरूमा आकर्षित हुँदै आएका छन्। यसले गर्दा हकप्रद शेयर निष्कासनप्रति जलविद्युत कम्पनीहरूको रुचि अझ बढ्दो छ। हकप्रद शेयर निष्कासन अनुमतिका लागि विद्युत नियमन आयोगको अनुमति अनिवार्य गरिएको छ।

सेबोनको पाइपलाइनमा रहेका हाइड्रोपावर कम्पनीहरू:

अन्य प्रस्ताव पारित गरेका कम्पनीहरू: