काठमाडौं – लोकप्रिय गायक तथा कुशल सर्जक तेजश रेग्मीको नयाँ गीत 'चन्द्र कुमारी' भर्खरै मात्र सार्वजनिक भएको छ। नेपाली सांगीतिक क्षेत्रमा लामो समयदेखि सक्रिय युवा सर्जक रेग्मीले यसअघि पनि दर्जनौँ चर्चित गीतहरू सार्वजनिक गरिसकेका छन्।

उनको पछिल्लो गीत भने अलिक फरक धारको रहेको छ। नारीको विषयवस्तुमा आधारित यस गीतका शब्द तथा संगीत रेग्मी आफैँले तयार पारेका हुन्। पछिल्लो समयकी चर्चित गायिका समीक्षा अधिकारीले आवाज दिएको यस गीतको अडियो र भिडियो उत्कृष्ट बनेको छ।

गीतलाई एच.बी.एन किस्मतले संगीत संयोजन गरेका छन् भने यसको भिडियो निर्देशन रामजी लामिछानेले गरेका छन्। भिडियोमा लोशिना लामिछाने र तेजश रेग्मीको अभिनय देख्न सकिन्छ।

गीत सार्वजनिक भएपश्चात् दर्शक–स्रोताबाट राम्रो प्रतिक्रियाहरू प्राप्त भइरहेको गायक रेग्मीले आर्थिक सन्देशसँग बताएका छन्।