काठमाडौं– प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले प्रतिनिधि सभा विघटन गरेर निर्वाचन घोषणा गरेको विषयमा संविधानविद् डा. भीमार्जुन आचार्यले कडा टिप्पणी गरेका छन् । यो विषयलाई व्यक्ति हत्यासँग जोडेर आलोचना गरेका हुन् ।

सभामुख अग्निप्रसाद सापकोटाले संविधानविद्सँग गरेको छलफलमा विहीवार आचार्यले प्रधानमन्त्री र राष्ट्रपतिबाट ‘मान्छे मारेको भन्दा पनि ठूलो अपराध’ गरेको बताएका छन् ।
‘मान्छे मारेको भन्दा ठूलो अपराध हो यो ।

प्रधानमन्त्री र राष्ट्रपतिबाट यस्तो जघन्य अपराध हुँदा पनि संसद् मुकदर्शक भयो,’ उनले भने, ‘प्रधानमन्त्रीको तिकडम रोक्न संसद्ले सकेन ।’ एउटै कार्यकालमा सबै धाराअनुसार प्रधानमन्त्री हुन नमिल्ने बताए । राजीनामा नगरी, पदुमक्त नभइ फेरि प्रधानमन्त्रीमा दाबी गर्नु र प्रधानमन्त्री नियुक्त हुनु गम्भीर नियतमाथि खोट रहेको उनले टिप्पणी गरे ।