काठमाण्डौ – नेपाल स्टक एक्सचेञ्जले नेपाल इन्फ्रास्ट्रक्चर बैंक लिमिटेडसँग ७२ घण्टाभित्र बास्तविकता जानकारी गराउने निर्देशन दिएको छ ।

बैंकका प्रमुख कार्यकारी अधिकृत रामकृष्ण खतिवडाले धितोपत्र मूल्यमा प्रभाव पार्ने संवेदनशिल सूचना तथा जानकारी सम्बन्धीत निकायमा जानकारी नगराई मिडियाबाजी गरेपछि नेप्सेले बैंकसँग ३ दिने स्पष्टिकरण सोधेको हो ।

नेप्सेले बैंकलाई ३० मिलियन डलरको बन्ड ल्याउने, लण्डन स्टक एक्सचेञ्जमा सूचीकृत हुने शिर्षकको समाचार सम्बन्धमा सत्यतथ्य के हो ? निफ्राले बैंक तथा वित्तीय संस्था र इन्स्योरेन्स कम्पनीलाई बण्ड जारी गर्ने समाचार कति सत्य होरहोइन ? के कति मात्रामा कस्तो छलफल अघि बढाएको हो ? कम्पनीको मुनाफाबाट १० प्रतिशत लाभांश वितरण गर्ने जस्ता धितोपत्र मूल्यमा प्रभाव पार्ने संवेदनशिल सूचना तथा जानकारी सम्बन्धीत निकायमा जानकारी नगराई के कति कारणले प्रचार गरिएको हो ? निफ्राले रणनीतिक साझेदार भित्र्याउने विषयमा को सँग के कस्तो छलफल भएको हो ? जस्ता प्रश्न सोध्दै तीन कार्यदिनभित्र सो सम्बन्धमा स्पष्टिकरण पेश गर्न निर्देशन दिएको छ ।

केहि दिन अघि बैकको शेयर विदेशमा सूचिकृत हुने जस्ता भ्रामक समाचार आएका थिए ।