काठमाण्डौ - माछापुच्छ्रे बैंक लिमिटेड आफ्ना शेयर धनीहरुलाई बोनस शेयर दिने भएको छ ।
बैंक सञ्चालक समितिको आज बसेको बैठकले गत आर्थिक वर्ष २०७७/७८ को खुद मुनाफाबाट सेयरधनीहरुलाई चुक्तापूँजीको १४ प्रतिशत रु. १ अर्ब २६ करोड ७४ लाख ३२ हजार ६३२ लाभांश (करसहित) वितरण गर्न प्रस्ताव गर्ने निर्णय गरेको छ । जसमा १३.३० प्रतिशत बोनस सेयर र ०.७० प्रतिशत नगद लाभांश (कर प्रयोजनका लागि) छन्।
प्रस्तावित लाभांश नेपाल राष्ट्र बैंकको स्वीकृति एवं आगामी वार्षिक साधारणसभाबाट पारित भए पश्चात वितरण गर्ने निर्णय पनि बैठकले गरेको छ।