काठमाण्डौ - बुधबार कोरोना संक्रमण फेरि उच्च देखिएको छ । 

पछिल्लो २४ घण्टामा देशभर ४१०७ जनामा कोरोना संक्रमण देखिएको छ । 

पीसीआर परीक्षणबाट २९७५ जना र एन्टिजेन परीक्षणबाट ११३२ जनामा संक्रमण पुष्टि भएको जानकारी दिनुभयाे ।

पीसीआर परीक्षण गरिएकामध्ये २६.२ प्रतिशतलाई संक्रमण पुष्टि भएको र यो दर निकै माथि रहेको अधिकारीले सचेत गराउनुभयो । २४ घण्टामा १६ हजार २९८ नमुना परीक्षण भएको छ । जसमा पीसीआर परीक्षण ११ हजार ३५४ र एन्टिजेन परीक्षण ४ हजार ९४४ भएको मन्त्रालयले जानकारी दिएको छ । 

मन्त्रालयका अनुसार २४ घण्टामा १५३५ जना कोरोनामुक्त भएका छन् । कोरोनाबाट ३५ जनाको मृत्यु भएको छ । हालसम्म पिसिआर विधिबाट ७ लाख ५ हजार ७२ जना र एन्टिजेन ६४ हजार ८८५ विधि गरी ७ लाख ६९ हजार ९२२ जनामा कोरोना पुष्टि भएको छ ।

कोरोनामुक्त हुनेको संख्या ६ लाख ६६ हजार ६५१ पुगेको छ । कोरोनाबाट मृत्यु हुनेको संख्या ९ हजार ९५७ पुगेको छ । अहिले देशभर सक्रिय संक्रमितको संख्या ३३ हजार ४६४ पुगेको छ ।