काठमाडौं - गत बुधबार नेपाल धितोपत्र बोर्डले विगत ५ महिनादेखि रोकिएको आइपीओ निष्कासन अनुमति दिने फाइल अघि बढायो । एकै पटक ५ कम्पनीहरूको शेयर निष्कासन अनुमति समेत दियो ।
यो सँगै ती कम्पनीहरुले यो हप्ता आइपीओ निष्कासन गर्ने तयारी गरेका छन् । कम्तीमा पनि यो शुक्रबार १ कम्पनीले आइपीओ निष्कासन गर्न सक्ने अनुमान गरिएको छ ।
यो हप्ता पनि बाकी कम्पनीहरुले आइपीओ निष्कासनको अनुमति पाउने र संख्या बढ्दै जाने भएको हुँदा क्रमस आवेदन खोल्दै जानु पर्ने हुन्छ । बोर्डमा ७ अर्ब हाराहारीको २५ भन्दा धेरै कम्पनीको आइपीओ निष्कासनको लागि पाइपलाइनमा छन् ।
बोर्डमा प्रमुख नहुँदा आइपीओ निष्कासन प्रभावित भएको थियो । गत बुधबार निष्कासन अनुमति पाउने कम्पनीहरु यस्ता छन्
१. बलेफी हाइड्रोपावर
- ३६ करोड ५५ लाख ९४ रुपैयाँको ।
२.ग्रीन भेन्चर
-६२ करोड ५० लाख रुपियाको ।
३. जल्पा सामुदायिक लघुवित्त
- ५ करोड २२ लाख रुपैयाँको ।
४. रास्ट्र उत्थान लघुवित्त
-८ करोड ५० लाख
५. नेस्डो समृद्ध लघुवित्त
- ८ करोड २८ लाख