काठमाडौं । रिभर फल्स पावर लिमिटेडको आईपीओ नेपाल स्टक एक्सचेञ्ज (नेप्से) मा सूचीकृत भएको छ । कम्पनीको ७० लाख कित्ता शेयर नेप्सेमा सूचीकृत भएको हो ।

कम्पनीले सर्वसाधारणलाई निष्काशन गरेको २७ लाख ३० हजार र संस्थापकहरुले लगानी गरेको ३५ लाख ७० हजार कित्ता गरी कूल ७० लाख कित्ता शेयर नेप्सेमा सूचीकृत भएको हो ।

नेप्सेले कम्पनीको शेयरलाई न्युनतम ८७ रुपैयाँ ९८ पैसा र अधिकतम २६३ रुपैयाँ ९४ पैसा ओपनिङ्ग रेन्ज प्रदान गरेको छ । कम्पनीको शेयरलाई नेप्सेले आरएफपीएल आरएफपीएल (RFPL) कारोबार संकेत प्रदान गरेको छ । सोहि कारोबार संकेतमा बिहिबारदेखि कम्पनीको शेयर दोस्रो बजारमा कारोबारमा आउनेछ ।