चितवन - कालिका नगरपालिका वडा ३ ले आयोजना गरेको दोस्रो वडा अध्यक्ष फुटबल प्रतियोगिताको उपाधि प्याराडाइज सिसुवाले जितेको छ । उसले शून्यका विरुद्ध एक गोलले विजयी भएको छ । 

सुर्यपुर फुटबल क्लब फाइनलमा चुकेसंगै दोस्रो भएको छ । १२ टीम सहभागी भएको प्रतियोगिता कार्तिक १५ गतेदेखि २७ गतेसम्म संचालनमा भएको थियो । 

विजयी टिमले एक लाख ५५ हजार ५ सय ५५ हजार नगद,कप,मेडल र प्रमाण पत्र साथै दितिय हुने टिमले ७५ हजार ५ सय ७५ रुपैयाँ नगद प्राप्त गरेका छन् । 

खेल सफल पार्न सम्पूर्ण सहयोगीहरुको महत्पूर्ण भूमिकाको लागि क्लवका अध्यक्ष नवराज बलाम धन्यवाद व्यक्त गर्नु भयो ।  

त्यस्तै बागमती प्रदेश सांसद ईश्वर सापकाेटाले आगामी आर्थिक वर्षको बजेटबाट ग्राउण्ड स्तर उन्नतिको लागि बजेटको व्यवस्था गर्ने जानकारी दिनु भयो । 

कालिका वडा ३ का अध्यक्ष वीरेन्द्र तामाङ्गले स्थानिय तहमा हुने यस्ता प्रतियोगिताले खेलाडी जन्माउन महत्वपूर्ण भूमिका हुने बताउनु भयो ।