काठमाडौं - पृथक र सुमधुर आवाज भएका युवा गायक तथा सर्जक केशव शर्मा लामो समय पछि नयाँ गीतको साथमा दर्शक श्रोता माझ आएका छन् ।

नेपाली महिलाहरुको महान पर्व हरितालिका तीजको अवसरमा फेर्न मिल्नी भा बोलको नयाँ गीत लिएर उनी फेरि सांगीतिक क्षेत्रमा छाएका छन् । 

श्रीमान श्रीमतीको घरायसी झगडालाई देखाइएको उनको पछिल्लो गीतको अडियो र भिडियो निकै उत्कृष्ट बनाइएको छ । केशव शर्मा र शान्ती श्री परियारको आवाज रहेको सो गीतलाई अर्जनु सुवेदीले शब्द लेखेका छन् भने लय भने शर्मा आफैको रहेको छ । 

कुमार केसीले निर्देशन गरेको सो गीतमा छत्र शाही र काजोल जोशीले अभिनय गरेका छन् । 

केशव शर्माको नयाँ युट्युब च्यानलबाट सार्वजनिक गरिएको सो गीतले सोचे अनुरूप दर्शक नपाए पनि बिस्तारै सामाजिक संजालमा चर्चा कमाई रहेको छ ।